Telexornal Galicia 1 05-11-2021

Os casos de Covid seguen a subir en Galicia, con 84 novos contaxios, a maioría en relación con viaxes de maiores a Benidorm. Os expertos destacan a elevada taxa de vacinación como o principal factor para conter a incidencia por debaixo do resto de países europeos. // As estafas e roubos a través de internet están a medrar máis dun 50 por cento no que vai de ano en Galicia. Para loitar contra estas prácticas empeza a funcional hoxe na Coruña a primeira unidade especializada Os chamados equipos arroba, da Garda Civil. // A inmigración, o cambio Climático, ou cómo debe ser o urbanismo do futuro. Grandes desafíos aos que propoñen respostar un grupo de expertos internacionais reunidos en Santiago. Un foro onde se dan cita a ciencia, a economía e o medio ambiente.// Talleres sobre conservas, pinchos, tapas ou productos do mar. E a feira internacional dedicada ao turismo gastronómico Xantar, que volve a Expourense.

O TEMPO 

Día de transición, con alternacia de nubes e claros e algúns chubascos ocaionais, máis probables canto máis ao norte. Descenso de temperaturas, con mínima de tres graos en Lugo. As nubes irán desaparecendo cara a fin de semana, que será seco en xeral e con máximas que irán entre 15 e os 18 graos.