Galicia en 2 minutos 08-06-2021

Historia de España, e Lingua e Literatura Castelá. Así comezaban as probas de Avaliación para o Acceso a Universidade, para 13.200 alumnos galegos, logo dun bachalerato marcado pola pandemia. // A Xunta anuncia accións legais para defender o Plan de Marisqueo, tralo recurso presentado polo Ministerio de Transición Ecolóxica. A conselleira do Mar asegura que a suspensión do plan pon en risco o futuro dun sector con 8.700 empregos. // A poboación de xabarís ascende en Galicia a uns 200.000 exemplares, segundo Unións Agrarias, que denuncia un aumento de ataques desta especie a explotacións agrícolas e gandeiras. Estima nuns 15 millóns de euros anuais os danos, // O traballo que leva a cabo o Instituto de Investigacións Mariñas de Vigo, a través das fotografías dun estudante colaborador. É unha iniciativa con motivo do Día Mundial dos Oceanos, para concienciar da importancia de coñecer e preservar o mar. 08-06-2021