Galicia en 2 minutos 10-01-2022

Volta as clases en tódolos niveis educativos, logo das vacacións de nadal, con 13.000 baixas entre profesores e alumnos. Os centros estrean o novo protocolo que reduce as corentenas en caso de positivos, a espera de completar nos próximos días a vacinación dos menores de 12 anos. // Os hospitalizados por Covid superan xa os 500, aínda que hai dous menos nas UCi. O Sergas confirma que a maioría dos casos que requiren ingreso hospitalario corresponden a variante Delta. // Os centros de saúde da área de Vigo volven programar citas presenciais, logo da instrución do Sergas do pasado luns de atender só urxencias e casos covid. A decisión foi revisada hoxe, ao mellorar a dispoñibilidade de persoal sanitario. // Clientes á procura de ofertas nas rebaixas coinciden cos que acoden aos habituais cambios agasallos e devolucións de compras de nadal. 10-01-2022