Galicia en 2 minutos 11-02-2022

Bares, restaurantes e locais de lecer nocturno seguirán a pedir Certificado covid durante outras dúas semanas máis. O Tribunal Superior autoriza a petición da Xunta, mentres o sector ve como desaparece esta noite a limitación de horarios. // Tódolos os indicadores da sexta vaga coinciden hoxe á baixa: hai menos casos activos, menos contaxios diarios e menos persoas ingresadas nos hospitais, tanto en pranta como nas UCi. // Dúas xeracións de investigadoras falan sobre a sua vocación e a desigualdade á que se enfrontan para desenvolver as suas carreiras, no Día Internacional da Muller e a Nena na ciencia. // Dispárase a venda de pandeiretas e a demanda de clases para aprender a bailar, cantar e tocar coma elas. É o fenómeno Tanxugueiras, tralo seu exitoso paso polo Benidorm Fest, que aumenta o interese pola música tradicional especialmente entre os escolares. 11-02-2022