Galicia en 2 minutos 26-01-2023

O desemprego entre os menores de 30 anos experimenta un aumento de ata cinco puntos. Segundo os datos publicados hoxe pola EPA, a taxa de paro mantense na nosa comunidade no 10´6 por cento, // O goberno central autoriza sete novos parques eólicos co que a potencia total do sector eólico en Galicia aumentará en case 3.000 megavatios. A principal beneficiaria será Alcoa. // A folga indefinida dos letrados xudiciais ameaza con paralizar o funcionamento dos tribunais. En Galicia, segundo os convocantes, xa son máis de mil as vistas suspendidas ou aprazadas. // A Virxe de Chamorro, unha das imaxes relixiosas máis veneradas de Ferrol, corre o risco de se converter nun caso semellante ó do Ecce Homo de Borja, polas suas restauracións desafortunadas. A próxima estará en mans de expertos, grazas á mobilización de asociacions e veciños. 26-01-23