Galicia en 2 minutos 28-03-2022

Retómase a descarga de peixe do Gran Sol, para abastecer aos mercados e centros de distribución, mentres parte dos transportistas continúan a secundar o paro. En Ferrol acumúlanse 80.000 toneladas de carbón destinado á central das Pontes. // Cambia o protocolo de loita contra a pandemia, ao desaparecer o illamento e o seguemento dos casos, agás nos grupos de especial risco, e chegan a Galicia os primeiros tratamentos antivirais que serán administrados aos pacientes contaxiados con maior vulnerabilidade. // Arranca en Almería o xuízo contra Santi Mina pola presunta agresión sexual a unha muller en 2017. O futbolista do Celta Enfróntase a nove anos e medio de cárcere, ao igual que o tamén futbolista galego David Goldar, // Prohibido vestir pantalón curto, chanclas ou roupa deportiva. É a nova ordenanza para o servizo de taxis que hoxe aproba o concello de Sanxenxo. 28-03-2022