Telexornal Galicia 2 01-06-2021

A normalidade ábrese paso, pouco a pouco, na vida cotiá, A medida que a incidencia da pandemia cae. como por exemplo nos usuarios dos centros de día, que poden xa retomar actividades como pasear, facer exercicio ou o contacto interpersoal. A Xunta estuda prazos para levantar a obriga de levar máscara en espazos ao aire libre. // Tres concellos están neste momento no nivel de risco extremo pola incidencia da Covid. Trátase de Lobios, A Pobra e Mos. Este último acaba de anunciar que este ano non se celebrará a Festa da Rosa, prevista para o próximo día 13. // Hoxe entra en vigor a nova normativa para a inspección técnica dos vehículos. Por exemplo, xa non é necesario levar o carné de conducir para pasar a ITV. Os cambios máis importantes afectan ao sistema de freado, retrovisores e probas de emisións de contaminantes. 01-06-2021