Telexornal Galicia 2 02-02-2022

O paro rexistrado aumenta en Galicia en algo máis de 1.300 persoas durante o mes de xaneiro. Uns datos que son lixeiramente peores aos do conxunto de España, no remate da campaña de nadal, e que sitúan o total de parados en 154.000. // Volver á normativa sanitaria de antes do nadal e eliminar a obriga da máscara en exteriores, é o que piden varias comunidades, entre elas Galicia, na xuntanza desta tarde co Ministerio. Opóñense á medida que onte ratificaba o Congreso dos Deputados. // A zona de Corrubedo, na costa coruñesa, é un dos máis de mil puntos que poden ser considerados zonas húmidas na nosa comunidade. A súa importancia para a biodiversidade e vital, ao ser usados por máis de 80 especies de aves nas súas rutas migratorias. // Botamos unha ollada á situación dos encoros. Despois de prácticamente un mes sen precipitacións, o nivel sitúase por debaixo do 60 por cento da capacidade. A subministración ás cidades e vilas, de momento, está garantida en toda Galicia. 02-02-2022