Telexornal Galicia 2 02-05-2022

Alfonso Rueda accede a someterse á investidura como novo presidente da Xunta, tras ser proposto polo presidente da Cámara. // Os casos activos de Covid descenden en máis de mil respecto aos do sábado, os últimos publicados, hoxe son 16.581, pero contabilízanse máis de 2.000 novos contaxios. // Máis de cincocentos nenos e nenas que fuxiron da guerra de Ucraína están escolarizados en centros educativos de Galicia, segundo lembrou esta mañá o conselleiro de Educación, Román Rodríguez, nunha visita ao colexio de Paradai en Lugo, que conta con alumnos de máis de 20 nacionalidades. // Os familiares das vítimas do dobre crime do Cash Record en Lugo movilízanse hoxe en lembranza dos dous traballadores asasinados durante o atraco a este establecemento hai 28 anos. // A feira do Viño do Ribeiro recuperou toda a súa forza durante a Fin de Semana, con máis de 25 mil visitantes con ansias de festa e de saborear os viños da denomiación de orixe máis antiga de Galicia. 02-05-22