Telexornal Galicia 2 04-02-2021

Os test que poden detectar a presenza de virus en asintomáticos cunha mostra de saliva chegan a seis farmacias da provincia de Pontevedra. Son as primeiras que colaboran nun programa que pretende multiplicar a capacidade do Sergas para identificar e illar canto antes a posibles infectados. // Os casos activos baixan por segundo día consecutivo e tamén os hospitalizados, por terceiro día. Hoxe hai 22.399 infectados co virus, 41 menos ca onte, malia que os contaxios diarios repuntan lixeiramente ata os 1.183. // // Unhas tres mil persoas poden ter en Galiza un cancro en desenvolvemento sen sabelo. É a denuncia da Asociación española contra o cancro neste Día Mundial da enfermidade, no que as restricións obrigaron a cancela-los actos na rúa. 04-02-2021