Telexornal Galicia 2 09-05-2022

O goberno apura os trámites para repatriar ata Viveiro o corpo de Cristina López-Cerón, a muller de 29 anos, que faleceu na explosión do hotel Saratoga en La Habana. O seu mozo, natural das Pontes, ferido no sinistro, segue ingresado grave.. //. O sector mar-industria de Cambados suma apoios contra o informe da Dirección Xeral de Costas, que cuestiona a continuidade das tres depuradoras situadas no porto de Tragove, cuns 300 empregados. // O Pontevedra conseguiu o ascenso tan esperado a primeira federación, antes coñecida como segunda B.. // O consello da Cultura Galega homenaxea a memoria dos republicanos exiliados en México a partir da figura de Florencio Delgado Gurriarán, ao que se dedica o día das Letras Galegas. O grupo Zoar interpretará composicións de músicos galegos do exilio. 09-05-22