Telexornal Galicia 2 15-12-2021

 Empeza a vacinación para os nenos de 9 a 11 anos. Dende esta tarde e ata administrar as 60.000 doses recibidas, de momento. A Xunta conta con completar a vacinación de tódolos maiores de 5 a partir da primeira semana de xaneiro. // A consellería de Sanidade non desbota establecer máis restriccións nas xuntanzas de persoas se o número de casos segue en aumento. // Galicia suma xa 15 restaurantes con estrela Michelín, despois de que na gala celebrada en Valencia se dese a coñecer que se acaba de incorporar a este grupo de elite o compostelán Auga e Sal, Situado no centro da cidade, ao carón da zona histórica. // Dúas exposicións de Lodeiro homenaxean ao pintor vigués no 25 cabodano do seu pasamento. Son obras pouco coñecidas do artista, unha centrada na xeometría e outra na figuración, nos derradeiros rostros que pintou exhibidos por primeira vez. 15-12-2021