Telexornal Galicia 2 22-03-2023

Un laboratorio para procesar cocaína a gran escala, agochado nunha casa de aldea de Cotobade. É o centro dun operativo contra o narcotráfico dirixido pola Audiencia Nacional que se salda, polo de agora, con 18 detidos, 11 deles en Galicia. // Aumentan as queixas entre os usuarios que collen o tren a diario para desprazarse entre Vigo e Coruña. Din que os atrasos nas horas punta son habituais. // Unións Agrarias denuncia unha campaña orquestrada polas industrias lácteas para baixar o prezo aos gandeiros, ante a renovación de contratos o próximo 1 de abril. // Celébrase o Día da Auga, unha xornada para concienciar sobre a importancia deste recurso, vital para a humanidade e todas as especies que habitan o planeta. En Ourense poñen en valor a riqueza termal con sesións de ioga gratuitas. // // 22-03-23