Telexornal Galicia 2 23-03-2021

A industria da automoción, cada vez máis afectada pola escaseza de microchips a nivel mundial. A dirección de Stellantis anuncia un ERTE aos traballadores da factoría de Vigo ante os problemas de aprovisionamento. // Desoladora imaxe do Camiño Francés, no que tiña que ser o arranque da temporada alta do Xacobeo. Albergues e establecementos para peregrinos pechados ou completamente desertos, con reservas canceladas, a espera dunha recuperación que terá que chegar máis alá da Semana Santa.// Os menores de 21 anos poderán viaxar gratis por toda Galicia no transporte público por estrada. Será coa Tarxeta Nova, unha medida anunciada pola consellería de Infraestructuras para reactivar o sector, que acumula unha caída de usuarios do 80 por cento durante o último ano. // Mañá retómase a vacinación coas doses de AstraZeneca que agora, como novidade, poderán recibir as persoas que teñan menos de 65 anos. 23-03-2021