Telexornal Galicia 2 24-04-2023

Equipos de criminalística investigan as circunstancias da morte dun home na casa na que residía co seu fillo na localidade de Esteiro. O mozo, de 19 anos, detido como presunto autor do crime, pasa esta tarde a disposición xudicial en Muros. // Axentes de policía denunciaron hoxe por atentado a autoridade a un cargo do ministerio de Igualdade, tras un incidente no aeroporto Rosalía de Castro, en Santiago. Din que quixo facer prevalecer o seu posto para evitar a actuación dos efectivos de seguridade. // Rematan as probas para comprobar a fiabiliade do sistema de seguridade ERTMS na liña entre Santiago Ourense. Durante tres días, o tráfico dos trens Avant e Alvia foi suspendido e os viaxeiros desviados por estrada. // O Lugo certifica matematicamente o descenso a Primeira Federación, a falta de cinco partidos, tras perder por cero a dous onte fronte ao Málaga no Anxo Carro. 24-04-23