Telexornal Galicia 2 26-03-2021

Xornada de paro hoxe en todos os portos da pesca de baixura, para amosar o rexeitamento do sector polas normas de control que quere implantar a Unión Europea. Unha mobilización da que non hai moitos precedentes.// A mobilidade será posible por toda Galicia a partir do luns, agás no concello ourensán de Beade.O subcomité clínico da Xunta decidíu hoxe levantar as máximas restricións a Maside, que pasa a nivel alto, no que están outros nove concellos, incluidos os de Sanxenxo e Baiona. // A policía nacional detivo en Lugo seis veciños por un presunto delito de odio. Os detidos, de entre 22 e 26 anos, atacaron esta tenda do barrio da Piringalla a semana pasada. // Hoxe moitas salas de cine volven a actividade. Entre as estreas está Olvido y León, do director ourensán Xavier Bermúdez. Tamén chega hoxe ás salas de cine Nación, a película dirixida por Margarita Ledo sobre a loita das traballadoras da cerámica Pontesa. // Santiago, Monforte, Sanxenxo, Mos e Padrón formarán parte do percorrido da Volta Ciclista a España neste 2021. 26-03-2021