Telexornal Galicia 2 04-11-2021

-Vacas, e tractores, nas rúas de Lugo. É a protesta dos gandeiros para denunciar a grave crise que atravesan pola suba dos custes de producción nos últimos meses, moi por riba do que reciben polo leite, e que,din, aboca a ruina á maioría das explotacións.

-Audasa cifra nun mínimo de mil millóns de euros a compensación que debe recibir por parte do Estado, en caso de que lle sexa anulada a concesión da autoestrada do Atlántico.

-Valentín González Formoso aborda o traspaso de poder na secretaría xeral dos socialistas galegos. O antecesor, Gonzalo Caballero, derrotado nas primarias, seguirá como portavoz parlamentario ata decembro.

- Nova noite máxica de fútbol europeo na Coruña. O equipo Xuvenil do Dépor golea por 5-1 ao Maccabi Haiffa e deixa máis que encarrilado o pase cara á fase final da Youth League. Foi diante de máis de 12.000 espectadores congregados en Riazor.

O TEMPO: Segue a situación de inestabilidade atmosférica, con alternancia de nubes e claros, con chuvascos no terzo norte. As temperaturas seguen a baixar.