Telexornal Galicia 2 05-11-2021

As urxencias de Pediatría, en máximos polo aumento dos virus estacionais, máis ala do Covid. Os especialistas advirten que é unha consecuencia da volta á normalidade. Mentres, a incidencia da pandemia segue a subir en Galicia, con 84 novos contaxios, a maioría en relación con viaxes a Benidorm. // A dirección de Vesta amplia ata o próximo luns o período de consultas sobre o ERE. Na mesa de negociación celebrada hoxe en Santiago, a Xunta comunicou tamén o interese doutra empresa a maiores dos oito posibles inversores interesados en facerse coa planta. // Despois da presentación en Venecia, hoxe estréase a película «TRES» rodada en parte en Galicia. Está dirixida por Juanjo Giménez, Palma de Ouro en Cannes, e nominado ao Oscar na sección de curtas. Interpretada por Marta Nieto, conta coa participacion dos galegos Luis Merelas, Cris Iglesias e Fran Lareu //