Telexornal-Galicia - 02/07/13

O paro baixou en Galicia no pasado mes de xuño en case 10.500 persoas, o que supón un descenso dun 3,7%, un punto máis que na media española. Os datos son positivos porque é o cuarto mes consecutivo no que cae o desemprego, pero tamén teñen a súa lectura negativa porque segue a haber máis parados ca o ano pasado, 4.200 máis // Representantes dos naseiros que se opoñen aos plan da Xunta para a pesca do polbo volveron concentrarse esta mañá en Bueu. Protestaron contra eses plans e pola actuación da policía na manifestación de onte en Santiago onde houbo varios contusionados, entre eles, dous policías // O Banco de España quere vender de inmediato Novagalicia Banco. Unha venda que podería concretarse antes de que remate o ano. O FROB, que xestiona as entidades rescatadas coma a galega encargaralle a un banco especializado en investimentos o encauzamento da operación. 02/07/13