Telexornal-Galicia - 03/04/14

Salvamento Marítimo busca fronte á ría de Arousa e máis ao norte, aos dous tripulantes do pesqueiro Mar de Marín que seguen desaparecidos. Namentres os equipos de mergulladores están preparados para baixar ata o pecio, que está a máis de 50 metros de profundidade, envolto en cabos e redes, o que vai dificultar o seu traballo // A Xunta aprobou hoxe un código ético que prohibe regalos a responsables públicos, e limita os chamados de cortesía institucional a 90 euros. Tamén prohibe que os nomes dos cargos públicos figuren en placas inaugurais // Algo máis de 2 millóns 711 mil electores poderán participar en Galicia, nas próximas eleccións europeas do 25 de maio, segundo os datos feitos públicos hoxe polo Instituto Nacional de Estatística // Deles, 2 millóns 281 mil viven en Galicia e algo mais de 421 mil residen no estranxeiro. Tamén poderán votar aquí case 8 mil cidadáns doutros países europeos. 03/04/14