Telexornal Galicia 03-10-2024

O alto representante da Unión Europea para Asuntos Exteriores, Josep Borrell, recibe unha homenaxe hoxe, na primeira sesión do Foro Vinculo Atlántico que se celebra na Illa da Toxa. Un evento no que expertos e dirixentes de todo o mundo farán un repaso polos aspectos máis delicados da situación internacional, dende Venezuela a Ucraína ou Oriente medio | Desarticulada pola Garda Civil unha organización criminal dedicada ao narcotráfico, na chamada Operación Claudo. O grupo desenvolvía a súa actividade na comarca do Barbanza e, segundo os investigadores, distribuía por toda Galicia uns 180 quilos de cocaína por ano | Conxemar pecha as súas portas esperando superar os 235 millóns de euros que deixou na área de Vigo na pasada edición, entre negocio pesqueiro e montaxe da feira. Os visitantes poderían superar os 27.000