Telexornal Galicia - 04/12/15

O Partido Popular preséntase como garante da consolidación da melloría económica acadada, despois dos peores anos da crise. Os socialistas din que son a única alternativa real de cambio para recuperar as políticas de igualdade e garantir os servizos públicos. Nos Candidatura Galega preséntase coma a única opción para que Galicia teña voz propia en Madrid e En Marea quere levar ao congreso o cambio que xa introduciu en moitos concellos // O avogado de Rosario Porto recurre a sentenza que a condena a dezaoito anos de prisión polo asasinato da súa filla Asunta. Pide a absolución para ela porque argumenta o veredicto está basado en especulacións // Está fóra de perigo, pero con un corte no pescozo, a muller de 55, da Coruña, á que o home que fora a súa parella, a atacou cando entraba no domicilio do ancián que coidaba. Os veciños alertados polos seus berros, avisaron á policía e, cando os axentes chegaron, o home tirouse por unha ventá e faleceu. 04/12/15