Telexornal-Galicia - 04/06/14

A Comisión de investigación do accidente do tren que o pasado 24 de xullo custou a vida a 79 persoas responsabiliza unicamente do sinistro ó maquinista, ainda que recomenda ó ADIF a mellora  dalgúns protocolos. As víctimas restan valor a esta conclusión porque entenden que a comisión depende do ministerio de Fomento e trata de evitar responsabilidades polos cambios no trazado e no sistema de frenado // Dimite a portavoz do Partido Popular de Galicia, Paula Prado. Unha decisión que se produce logo de que se deran a coñecer conversas súas incluídas no sumario da Operación Pokémon, que investiga presuntos casos de corrupción en contratas municipais // O alcalde e a tenente de alcalde de Santiago asumen todas as competencias dos nove concelleiros que dimitiron na última semana. O titular da Alcaldía, Ángel Currrás, segue a busca de sustitutos para eles. Di que en dous días, entre hoxe e o próximo venres, terá rematada a lista cos nomes dos novos concelleiros. 04/06/14