Telexornal-Galicia - 04/11/14

A inxente cantidade de raios que caeron en moitas zonas de Galicia é o efecto máis destacado do temporal na xornada de hoxe. Descargaron máis de mil sobre terra, pero en total rexistráronse por riba de seis mil, a maioría deles sobre o mar // O paro subiu en Galicia en outubro en 5.800 persoas, cunha porcentaxe do 2,45%, superior á media estatal. O incremento notouse sobre todo no sector servizos e na agricultura polo fin da campaña de verán; baixou na industria. Tamén baixou o número de afiliados á seguridade social en case 4.000 persoas // A biblioteca da cidade da cultura conta a partir de hoxe con sesenta e  nove incunables. Son uns fondos cedidos por Abanca  ademais de outros 3500 valiosos libros editados entre os séculos XV e principios do XX. 04/11/14