Telexornal-Galicia - 05/07/12

A Catedral celebra a recuperación do Códice Calixtino en perfecto estado. O Cabildo asegura que as condicions de seguridade serán mellores a partir de agora. Mañá o libro será recibido con toda solemnidade e quedará exposto ó público na Sala Capitular, a partir do mediodía. Mentres, os encargados da investigación realizan probas periciáis no libro, recuperado onte nun garaxe do Milladoiro onde estivo agochado durante un ano envolto en bolsas de plástico e xornáis. O presunto autor do roubo do Códice Calixtino, o electricista Manuel Fernández Castiñeiras, e a súa muller, permanecen detidos na Comisaría de Santiago, e pasarán mañá a disposición xudicial. Unha muller de 72 anos é atopada morta acoitelada en Redondela e o seu marido ferido denuncia que uns descoñecidos asaltaron o seu domicilio. De momento a policía mantén todalas hipóteses abertas. Na Cañiza un enfrontamento entre veciños acabou coa vida de dous homes. (05/07/12)