Telexornal Galicia 06-11-2024

Presentados os carteis, en varios idiomas,  para anunciar o Nadal vigués por distintas cidades de España, Europa e, por vez primeira, en Nova York. O alcalde anunciou que as luces se van acender dentro de dez días | Galicia conta cun sistema de predicción avanzada que alertaría 48 horas antes dunha posible inundación.  Meteogalicia ten 160 estacións de medición e Augas de Galicia dispón de 95 | A Xunta vai elevar en 5.000 euros os limiares de renda para acceder ás vivendas de promoción pública e estenderá a vacina contra o papiloma humano aos homes ata os 21 anos | Bica é a primeira cadela da raza autóctona galega can de palleiro que traballa nas forzas e corpos de seguridade en todo o mundo. Acaba de ingresar na garda civil para buscar desaparecidos en Galicia