Telexornal-Galicia - 06/04/15

Boas cifras as  do turismo en Galicia, nesta Samana Santa. Os establecementos hostaleiros falan de ocupacións superiores ao 75 ou o 80 por cento en xeral. Pero hai zonas coma Santiago, a Ribeira Sacra ou a Mariña de Lugo onde foi superior e rexistrou porcentaxes de máis do 90 por cento.

  O paro baixou en marzo en Galicia. 5.412 persoas borráronse das listas do desemprego o mes pasado.  Supoñen un descenso do 2 coma un por cento respecto ao mes anterior. Datos algo mellores que os da media de España onde o descenso foi do  un coma 33 %. 

  A organización de produtores de leite reclama que a Xunta medie ante a crítica situación do sector que cobra en Galicia os prezos máis baixos por litro de toda España, en torno os 30 céntimos. Segundo esta organización, a industria está a pagarlles  aos gandeiros galegos por debaixo dos custes de producción, entre seis céntimos e dez céntimos menos cós gandeiros do resto de España e Europa. (06/04/15)