Telexornal-Galicia - 07/10/14

A auxiliar de enfermaría contaxiada de ébola en Madrid é da localidade lucense de Becerreá, onde viven varios membros da súa familia. Enfermou, logo de atender a un dos dous misioneiros españois contaxiados no continente africano e que morreron tras ser repatriados // O Presidente da Xunta anunciou un aumento das deducións fiscais de cen euros ao mes para as familias que teñan o segundo fillo e de 200 a partir do terceiro. Foi no debate sobre o estado da autonomía onde tamén dixo que o Goberno Autónomo quere por en marcha un plan de emprego para mozos, para o que se destinaran 48 millóns de euros máis e tamén para parados maiores de 45 anos // Un membro de Resistencia Galega recoñeceu hoxe que preparaban un atentado contra a sede do PP en Moaña. Díxoo na audiencia nacional onde son xulgados 3 presuntos integrantes desa organización, acusados de colocar  explosivos nunha instalación de telecomunicacións no monte Sampaio, de Vigo, en 2012. Piden pra eles 17 anos de cárcere. 07/10/14