Telexornal-Galicia - 07/08/14

 Rematou a folga dos traballadores da recollida do lixo de Lugo, logo do acordo da pasada madrugada.   A limpeza empezará hoxe e agárdase que en dous ou tres días a cidade recupera a súa imaxe normal, sen acumulacións de refugallos. 

 Esta tarde chegan a Vigo, 90 dos máis de 200 pasaxeiros que onte viaxaban no tren-hotel, que facía o traxecto entre Barcelona e a cidade Olívica. Onte á noite, un incendio na locomotora obrigou a parar o tren na provincia de Huesca e a trasladar aos pasaxeiros en autobuses ata Zaragoza. Non houbo danos persoais, só atrasos. 

  España venceu con  comodidade a Canadá, no partido de onte na Coruña, co que abriu a preparación para o Mundial de Baloncesto de finais deste mes. Ao final, 82  a 70 puntos para España, 12 de vantaxe, que puideron ser mais se os españois non se relaxaran na segunda metade. Destacou  a actuación dos irmáns Gasol. (07/08/14)