Telexornal Galicia 11-10-2024

A colleita de pataca na comarca ourensá da Limia, paralizada porque as máquinas non poden entrar nas leiras. Os pataqueiros din que de seguir as chuvias persistentes, poderían perder o noventa por cento da produción, o que suporía unhas perdas de 57 millóns de euros | Hoxe cúmprese un ano do incendio no que morreron unha nai e tres dos seus catro fillos menores en Vigo. Foi nun edificio abandonado no que vivian varias familias, trinta persoas en pésimas condicións. O colectivo Os Ninguéns reclama máis vivendas para emerxencias sociais | Aumentan as queixas dos usuarios do taxi en Santiago. Denuncian que en lugares coma a estación de tren as esperas por conseguir un taxi poden superar a hora. O Concello xa iniciou o proceso pra obter novas licencias