Telexornal Galicia 11-12-2020

A melloría dos datos de incidencia acumulada permite aliviar as restriccións máximas en sete concellos, entre eles os de Xinzo de Limia e Ribadavia, na provincia de Ourense. // Seis novos falecementos e unha repunta dos contaxios: 358, no último día. Máis dun terzo corresponden á area sanitaria de Vigo. Os casos activos, sen embargo, seguen á baixa, suman 5.684. // Un museo, un centro de creación cultural e un xardín adicado á memoria dos represaliados do franquismo. Son os usos previstos pola Xunta para o Pazo de Meirás, unha vez incorporado ao patrimonio público. // O museo de Pontevedra descobre entre os seus fondos dos cadros do século XV procedentes do expolio dos nazis en Polonia na segunda guerra mundial. Agora decide devolver as obras a aquel país como un acto de reparación histórica. (11/12/2020)