Telexornal-Galicia - 12/01/15

Despois dun mes de protestas e coa obra parada hoxe reiniciáronse en Vigo os traballos para instalar na rotonda de Coia o pesqueiro Bernardo Alfageme. Un amplo dispositivo da policía local vixía as obras en presenza dun grupo de opositores, que piden que ese investimento se asigne a servizos sociais // A concelleira de urbanismo de Ourense presenta a súa renuncia. Áurea Soto anunciou esta maña a súa decisión despois de que se decretara a apertura de xuízo oral contra ela por presunta prevaricación urbanística continuada no caso da Plaza de Antonio. No próximo pleno entregará a súa acta de concelleira e deixará oficialmente o cargo no concello ourensán // A partir de hoxe, os concellos poden presentar as solicitudes para contratar, con cargo á consellería de Traballo, a persoas que perciban a RISGA, a Renda de Inserción Social. E unha iniciativa para fomentar as posibilidades laborais dese colectivo, o que a Xunta destinará este ano 10 millóns de euros. 12/01/15