Telexornal-Galicia - 12/06/14

Trescentas toneladas de lixo nas rúas de Lugo. Esa é cantidade que se estima está amoreada nos contedores logo de tres días de folga dos traballadores que se encargan da recollida // A Xunta nomeou hoxe embaixador do Camiño de Santiago a Vicente del Bosque, o seleccionador nacional de fútbol. Será o segundo persoeiro que ostente este título, despois do Príncipe de Asturias. O goberno galego tamén acordo destinar 4 millóns de euros o plan de formación profesional dual // Dimitiron dos seus cargos os membros da executiva comarcal da UGT de Vigo, a maior agrupación do sindicato en Galicia. Denuncian  irregularidades na xestión de programas con fondos públicos. Unhas acusacións que a dirección galega do sindicato rexeita // Un mozo da Estrada mantén unha folga de fame para reclamarlle unha pensión a seus pais. Emancipouse xudicialmente deles, aos que denunciou por malos tratos, aos 17 anos. 12/06/14