Telexornal Galicia - 12/08/15

Centos de tractores ocuparon hoxe as rúas de Lalín, en demanda dun prezo para o leite que permita a supervivencia das explotacións gandeiras. Piden a intervención das administracións para atallar unha situación que, din está a obrigar a boa parte das granxas a vender o produto a prezos que non cobren o que custa que as vacas o dean // Detido en Narón, o dono dunha tenda on line e dun establecemento de estampación de camisetas, acusado de apoloxía do terrorismo xihadista. Impútanlle delitos de proselitismo e humillación ás vítimas do terrorismo por vender prendas con imaxes relativas ás execucións perpetradas polo estado islámico // Prestaron declaración no xulgado de Vigo dez dos quince detidos nunha operación da policía contra o tráfico de cocaína nas nosas costas. Pretendían traer a terra  máis de tonelada e media de cocaína, nun veleiro interceptado en alta mar. 12/08/15