Telexornal-Galicia - 13/04/12

Chaves e Verín, que xuntas son a primeira eurocidade constituída entre Galicia e o Norte de Portugal, estrea sede. É a antiga alfándega de Feces de Abaixo, completamente reformada. // Máis de cincuenta chabolistas de Penamoa manteñen ocupado desde hai unha semana un edificio de recente construción no barrio do Ventorrillo, na Coruña. // Medio milleiro de arquitectos de Europa e Latinoamérica debaten en Santiago posibles saídas á crise do sector da construción. // Segue sen aclararse a evolución xudicial do procedemento aberto contra o Alcalde de Santiago, Gerardo Conde Roa, acusado dun delito fiscal. // O Club Náutico de Sanxenxo convértese no primeiro Centro Nacional de Vela Adaptada. // Cando lles toca enfrontarse a Celta e Deportivo, as sensacións van máis alá do futbolístico. O domingo, en Balaídos á hora do vermú, vai haber máis de trinta mil persoas. (13/04/12)