Telexornal-Galicia - 15/01/15

Aprazado ata o 12 de febreiro o xuízo ao ladrón confeso do Códice Calixtino, Manuel Fernández Castiñeiras. O exelectricista da catedral foi ingresado a primeira hora da mañá nun hospital. Fernádez Castiñeiras enfróntase a unha pena de 243 anos de prisión e máis de dous millóns de euros de multa por ter roubado centos de cartas aos seus veciños do Milladoiro // Seguen os efectos do temporal que nos afectou nas últimas horas. Onde máis se notan é na costa atlántica, onde as ondas xa superaron os oito metros de altura en puntos coma Cabo Vilán ou Estaca de Bares. Tamén o vento soprou con forza e, na costa da Morte, acadou os 15  km por hora // A Xunta destinará 88 millóns de euros á mellora tecnolóxica dos hospitais galegos. Novos equipos que empezarán a adquirirse este ano e entre os que figuran os de radioterapia e medicina nuclear no Lucus Augusti de Lugo. Tamén a dotación do novo hospital de Vigo. 15/01/15