Telexornal-Galicia - 15/04/14

Santiago segue a ser o destino turístico  máis demandado polos visitantes españois que chegan a Galicia para pasar estas vacacións de Semana Santa. Tras a capital, o destino galego  que aparece en segundo lugar é a cidade da Coruña, e despois, Sanxenxo, segundo  os datos ofrecidos polo portal de ocio  on line " atrápalo. com.

Continúa a loita entre os actuais administradores e os bancos  acreedores  polo control de Pescanova.  Se non hai acordo, a multinacional entrará en liquidación. Os bancos non queren cederlle o control a Damm e perder dous mil dos tres mil millóns de euros da débeda da compañía. 

Presta declaración ante o xuíz, en Carballo,  o fillo da anciá que apareceu morta na súa casa en Corme, e que fora detido pola Garda Civil, poucas horas depois do levantamento do cadáver. A muller fora atopada na súa casa e o médico dubidara das causas do falecemento pero a autopsia demostrou que probablemente morreu dun infarto. (15/04/14)