Telexornal-Galicia - 16/04/12

Gerardo Conde Roa deixa a alcaldía de Santiago tras coñecer oficialmente a súa imputación por un presunto delito de fraude contra a Facenda pública. Está acusado de non declarar case 300.000 euros do IVE da venda de 61 vivendas. // O presidente da Xunta, Alberto Núñez Feijóo agradécelle a Conde Roa a súa retirada. Di que a súa decisión é a da responsabilidade, o xogo limpo e a coherencia. // A Unión Europea comeza en Vigo unha campaña para dar a coñecer aos mozos que están no paro os programas de formación e emprego comunitarios. // Inspeccións de Facenda e Traballo descubriron 70 talleres mecánicos irregulares só no último mes en Galicia. Desde o sector aseguran que a economía encuberta está aumentando e poñendo en perigo a supervivencia dos talleres que operan legalmente. // Los primeiros "kobiños", un cruce entre vaca rubia galega e boi de Kobe, a prestixiosa e cotizada raza de gando xaponesa. Críanse desde hai tres anos en Carballedo, en Lugo. (16/04/12)