Telexornal Galicia 17-06-2024

Sete mozos chegados de Mali, fuxindo da guerra, levan dende xaneiro na Coruña, sen papeis, e sen medio de vida. Hoxe quixeron poñer de manifesto as dificultades que atopan pola sua condición de residentes irregulares, e a lentitude dos trámites para solicitar protección internacional | A ministra de Sanidade insiste nunha entrevista en TVE, en que non permitirá que os médicos residentes de último ano pasen consulta sen supervisión, tal como ten previsto o Sergas, ante a escaseza de facultativos para o verán | Os deportistas galegos suman dez medallas no Campionato europeo de piraguismo de Hungría. A palista pontevedresa Antía Jácome conseguiu medalla por partida dobre, unha de prata en individual e outra de ouro no C2 200 con María Corbera | A estudante coa mellor nota na Abau de Galicia, é a monfortina Nadine López Aira, do instituto público Río Cabe, di estar agradecida aos seus profesores, por impulsala, dende nena a interesarse pola ciencia