Telexornal-Galicia - 17/09/13

O Presidente de Pescanova, Juan Manuel Urgoiti, avisou hoxe de que, se os acreedores da multinacional pesqueira non aceptan a quita que lles está a propor, non hai nada que facer para garantir a viabilidade da empresa // Adif considera sen fundamento a imputación dos responsables de seguridade da vía no descarrilamento de angrois e e tamén a dos seus cargos directivos, anunciada polo instructor // O Camiño de Santiago vaise beneficiar da posta en marcha dun destino turístico intelixente, asinado hoxe polo Ministerio de Industria e a Xunta de Galicia. Contar con acceso Wifi de balde en tódolos albergues do camiño francés ou poder selar e obter a compostela vía Web serán algunhas das vantaxes coas que contarán os peregrinos, nun prazo de dous anos, grazas a esta iniciativa // O Celta saiu derrotado do novo San Mamés pero tivo a honra de marcar o primeiro gol na estrea do estadio do Atlétic de Bilbao. Os vigueses colleitaron a primeira derrota da tempada, por tres goles a dous. 17/09/13