Telexornal-Galicia - 18/04/12

O primeiro temporal da primavera. O litoral galego permanece hoxe en alerta por fortes ventos e mar de fondo que poden levantar ondas de máis de oito metros nas próximas horas. // Alerta tamén nas zonas máis altas de Lugo e Ourense, onde está nevando por riba dos mil douscentos metros. Hoxe e mañá poderíanse acumular ata cinco centímetros de neve. // O Ministerio de Sanidade defende pagar polos medicamentos en función da renda; que os pensionistas, ata agora exentos, paguen entre o 10 e o 20% do prezo dos fármacos; e que os traballadores en activo pasen de pagar o 40% a polo menos o 50%. // A Plataforma en Defensa da Sanidade Pública considera que os cambios que se anuncian en sanidade son un imposto á enfermidade. // Desde que comezou a crise, hai dous anos e medio, en Galicia destruíronse más de 140.000 postos de traballo. // Rapaces de varios colexios da Coruña aprenden a facer reanimacións e a realizar os primeiros auxilios para salvar vidas. 18/04/12