Telexornal-Galicia - 19/02/14

Empezaron a prestar declaración no xulgado de Vigo os cinco detidos na chamada operación "patos" contra unha presunta trama de corrupción na concesión de obras e servizos nos concellos galegos // Primeiro día sen alertas meteorolóxicas, logo da sucesión de profundas borrascas que nos vén afectando dende antes do nadal. Nestes case dous meses os avisos acadaron en oito ocasións o nivel vermello, case sempre polo vento e a forte oleaxe, pero tamén houbo situacións problemáticas por intensas choivas e por nevaradas // A Audiencia Provincial de Ourense condena aos catro xulgados polo crime do chofer asasinado en Verín. A muller e a filla da víctima recibiron penas de 20 anos de cárcere cada unha. O sicario portugués ao que contrataron para a agresión foi condenado a 22 anos de prisión e o ex-noivo da filla acusado de ter participado na trama, a 16 anos. 19/02/14