Telexornal-Galicia - 19/06/13

Falta pouco máis dun dìa para que remate a primavera e entre oficialmente o verán. Pero no tempo non se nota. A culpa téna o aire frío situado ao norte da nosa posición e que fai que se formen continuamente borrascas que nos traen estas precipitacións e esta friaxe // Os hosteleiros din que o mal tempo lles está causando perdas. Os do Sur da comunidade calculan que as reservas para este verán se reduciron nunha cuarta parte respecto ás doutros anos nesta mesma época e sinalan que se fan cada vez máis a última hora co que a situaciòn meteorolóxica é máis decisiva // 75 barcos de Burela saen para a pesca do bonito, que se prolongará ata outubro. Fano ao xeito tradicional, de forma que non afecta a outras especies mariñas, e polo que piden cambios na normativa comunitaria e mais controis sobre barcos doutros paises. 19/06/13