Telexornal-Galicia 2 - 01/04/14

Continúan na entrada da Ría de Vigo os labores de busca dos dous mariñeiros que seguen desaparecidos, logo do afundimento do pesqueiro "Mar de Marín", embestido por un cargueiro. So cinco dos seus tripulantes lograron salvarse // Os mariñeiros falecidos dos que os corpos foron recuperados son dous galegos e un marroquí. Trátase de Alejandro García de Barro, segundo patrón do arrastreiro, Carlos Santos, mecánico de Cangas, e Hassan Boudra. Os seus corpos foron recuperados por otros pesqueiros e trasladados a Estación Marítima. Seguen desaparecidos un galego e un ghanés // Novagalicia Banco rematou 2013 cun beneficio de 18 millóns de euros superando as previsións do seu plan de recapitalización. Un saneamento acelerado no que reduciron un 36% os seus gastos de explotación. A entidade conta agora con 592 oficinas e un plantel de 4.362 traballadores. 01/04/14