Telexornal-Galicia 2 - 02/05/14

Récord de cruceiros no Porto da Coruña. En total chegaron 6.000 turistas e 2.500 tripulantes para disfrutar por unhas horas de escala en Galicia da nosa paisaxe, historia e gastronomía e calcúlase que gastan uns 60 euros por persoa e día // O pleno do Concello de Vigo aprobou os orzamentos municipais para este ano grazas a un pacto inédito na cidade entre o PSOE e PP e coa oposición do BNG. Nunha sesión con constantes interrupcións do público, socialistas e populares consideran que son as contas máis sociais da historia da Vigo. Os nacionalistas din que non son as que hoxe necesitan os cidadáns // Alta ocupación na hostelería de Lugo polo derbi de Segunda División que enfrontará mañá ao equipo local e o Deportivo. Calcúlase que máis de catro mil seguidores do equipo coruñés se desplazarán á cidade da muralla para presenciar o partido para o que mesmo haberá pantallas xigantes  ante a falla de capacidade do Anxo Carro. 02/05/14