Telexornal-Galicia 2 - 05/05/14

Galicia conta dende hoxe cun observatorio contra a violencia de xénero. Un órgano de coordinación para previr o maltrato ás mulleres. Unha violencia que segue a aumentar. No que vai de ano catro perderon a vida a mans das súas parellas. En todo 2013 foran tres.  

Xunta, Autoridade Portuaria de Ferrol e Universidade de Santiago lideran un proxecto para instalar na zona de Mugardos, onde están as instalacións de Reganosa, un punto de suministro de gas licuado para buques. Unha iniciativa financiada pola Unión Europea que busca apoiar este combustible máis limpo e barato que os usados masivamente no transporte marítimo. 

Un grupo de enfermeiras do Hospital Comarcal do Salnés, en Vilagarcía de Arousa, Pontevedra protestaron ás portas do centro para reclamar máis medidas de seguridade. Séntense acosadas pola actitude agresiva do acompañante dunha doente.O centro só conta cun garda xurado.A Consellería de Sanidade di que está á espera dunha autorización xudicial para poder prohibirlle a entrada ao hospital. (05/05/14)