Telexornal-Galicia 2 - 07/02/13

Os empresarios do sector metalúrxico galego confían en que Barreras e Navantia pechen nas próximas semanas o financiamento para constriur os dous floteis para a petroleira Pemex e reclámanlle ao Goberno máis implicación para salvar o estaleiro público de Ferrol. O Parlamento Galego, mentres, aproba por unanimidade unha iniciativa para que en Navantia se constrúa o dique flotante. // Un neno de trece anos faleceu esta mañá nun instituto de Ordes, na Coruña, mentres facía unha clase de ximnasia, ao parecer por un fallo cardíaco. Os servizos sanitarios tentaron reanimalo, pero non puideron salvarlle a vida. Era fillo dun policía municipal da localidade. // Pontevedra, premiada pola Union Europea como exemplo de mobilidade peonil. O alcalde recibiu en Bruxelas o premio Intermodes. A cidade foi escollida por ter creado o Metrominuto, o primeiro mapa pedestre europeo. 07/02/13