Telexornal-Galicia 2 - 08/09/14

Os armadores galegos da flota do cerco saen pescar bocarte, nas próximas horas, logo de que o Ministerio de Agricultura, Alimentación e Medio Ambiente os autorizara para  capturar dúas mil toneladas. Unha autorización que provocou o descontento dos pescadores vascos e cántabros // A Cruz do Castro, un dos elementos urbáns máis visibles de Vigo, está a ser motivo de  polémica. Unha sentenza xudicial obriga a derrubala por considerala un monumento político franquista. O Alcalde de Vigo, Abel Caballero, di que o Concello vai recorrer a sentenza porque non é un símbolo do réxime anterior // A nai de Asunta, a nena de Santiago que apareceu morta hai case un ano, afronta a proximidade do xuízo, cunha depresión que a mantén confinada na súa cela do cárcere de Teixeiro. Así o afirma o seu avogado, quen recusou ao maxistrado que vai presidir o tribunal con xurado popular. 08/09/14