Telexornal Galicia 2 - 08/09/15

A protesta dos gandeiros polos baixos prezos do leite chegou ata Santiago, onde fixeron un reparto gratuíto de produto recentemente muxido, diante dun centro comercial. Unha acción simbólica para chamar a atención sobre a situación económica que atravesan, e para denunciar a práctica das grandes superficies, que venden o leite por debaixo do prezo de custe // A protesta está protagonizada por uns 3.000 mil tractores. Con ela insisten en pedir medidas das administracións para paliar a crise que, din, está levando a centos de granxas ao borde da quebra. A marcha dos vehículos agrícolas pola cidade está a causar problemas de tráfico // Un neno, ferido grave no accidente do rali de Carral evoluciona favorablemente, xunto a outros 2 adultos, vítimas tamén do mesmo sinistro. Outro adulto segue grave. 08/09/15