Telexornal-Galicia 2 - 08/10/14

O maquinista do tren alvia que descarrilou en Santiago volve ser o único imputado por aquel accidente, que causara 79 mortos. A Audiencia provincial da Coruña tomou en consideración os recursos que presentaran a fiscalía e o avogado do estado contra a imputación dos altos cargos do ADIF no 2011, cando entrara en funcionamento a vía na que se produciu o accidente // Pendentes da evolución de Teresa Romero, en Becerreá onde vive parte da súa familia hai tranquilidade despois de saberse que descartara viaxar alí nas súas vacacións porque se atopaba mal. Confirmouno a súa nai que tamén dixo que puidera falar con ela dende hospital onde recibe tratamento tras contraer o virus do ébola // Comezou en Ourense o xuízo por un presunto caso de abusos por parte dun profesor ás súas alumnas. Está acusado de facerlles tocamentos e darlles bicos  na boca, mentres estaban na aula ou no patio do colexio público de Celanova. 08/10/14